لێكوَلینه‌وه‌یه‌كی‌ ئه‌مریكی ده‌ریخستوه‌ " نیوه‌ی‌ ژنان له‌ نیوه‌ی‌ ته‌مه‌نیاندا ئه‌گه‌ری‌ تووشبوونیان به‌ كێشه‌ی‌ ته‌ندروستی‌ ده‌گه‌ڕێته‌وه‌ بۆ ناله‌باری‌ پروَسه‌ی‌ هاوسه‌ری‌ وه‌ك به‌رزبونه‌وی‌ په‌ستانی‌ خوین وكۆبونه‌وه‌ی‌ چه‌وری‌ له‌ چوارده‌وری‌ سك و چه‌ند كێشه‌یه‌كی‌ ته‌ندروستی‌ تر كه‌ ده‌بێته‌ مه‌ترسی‌ بۆ تووش بوون به‌ نه‌خۆشی‌ دڵ وشه‌كره‌.
(نیسا جولدبێرج)پزیشكی‌ دڵ و به‌ڕێوبه‌ری‌ به‌رنامه‌ی‌ ته‌ندروستی‌ ئافره‌ت له‌ زانكۆی‌ نیویۆرك ئاشكرایكرد ناكۆكی‌‌و ئاڵۆزیه‌كانی‌ په‌یوه‌ندی‌ ژیانی‌ هاوسه‌ری‌ ته‌نها كاریگه‌ری‌ نیه‌ له‌ سه‌ر خوَشیه‌كانی‌ ژیان به‌ڵكو كاریگه‌ری‌ خراپیش له‌سه‌ر ته‌ندروستی‌ هاوسه‌ره‌كان دروست ده‌كات .
شاره‌زایان ئاشكرایان كردووه‌،په‌یوه‌ندی‌ ناجێگری‌ نێوان هاوسه‌ر كاریگه‌ری‌ له‌سه‌ر ژنان زیاتره‌ له‌ پیاوان،چونكه‌ ژن له‌ پیاو زیاتر ڕوبه‌ڕوی‌ (خه‌مۆكی‌) ده‌بنه‌وه‌ ئه‌گه‌ر ژیانی‌ هاوسه‌رێتیان له‌ كه‌ش و هه‌وایه‌كی‌ ناله‌بارو پڕٍ له‌ كێشه‌ تێپه‌ڕێت و ئه‌گه‌ری‌ زیاتریان به‌ توشبون به‌ نه‌خوشی‌(ئیلایچ)ه‌ كه‌ هوكارێكه‌ بۆ تووشبوون به‌ به‌رزی‌ په‌ستانی‌ خوێن و ده‌بێته‌ هۆی‌ زیادبونی‌ ڕێژه‌ی‌ كۆلیسترۆل و به‌رزبونه‌وه‌ی‌ ورگ و به‌رزبونه‌وه‌ی‌ رێژه‌ی‌ شه‌كر له‌ خوێندا .
نانسی‌ هینری‌ پسپۆری ده‌رونزانی له‌ زانكۆی‌ یوتا رایگه‌یاند" ئه‌و پیاوانه‌ی‌ كه‌ له‌ژیانی‌ هاوسه‌ریدا ژیاننیان ناخۆش‌و ناله‌باره‌ توشی‌ كێشه‌ی‌ ته‌ندروستی‌ كه‌متر ده‌بن ،هه‌روه‌ها توڕه‌بوون و شه‌ڕ كردنی‌ نێوان ژن و پیاو ده‌بێته‌ هۆی‌ ئاڵۆزبوون‌و تێكچونی‌ هوڕمۆنات ئه‌وه‌ش هوَكارێكه‌ بۆ زیادبونی‌ ئه‌نسۆلین كه‌ ده‌بێته‌ هۆی‌ به‌رزبونه‌وه‌ی‌ ڕێژه‌ی‌ شه‌كر له‌ خوێندا و توشبونی به‌ نه‌خوشی‌ دڵی‌ به‌دواوه‌ دێت

sarchawa/radionawxo