به‌گوێره‌ی توێژینه‌وه‌ زانستیه‌كان، پێكه‌نین وزه‌یه‌كی زۆر ده‌به‌خشێته‌ مرۆڤ‌و، یارمه‌تی پشودانی ماسولكه‌كان و خێرابوونی سوڕی خوێن ده‌دات‌و، ده‌بێته‌ هۆی رژاندنی زیاتری هۆرمۆنی ئه‌لسیرۆتۆنین كه‌ به‌هۆرمۆنی به‌خته‌وه‌ری ناسراوه‌.
به‌ڵام گوشاره‌كانی ژیانی هاوچه‌رخ و قورسی كار و كێشه‌ خێزانیه‌كان و ئاڵۆگۆڕی خراپی كه‌شوهه‌وا، بوونه‌ته‌ هۆی داماڵینی كۆمه‌ڵگایه‌كی وه‌كو كۆمه‌ڵگای ئه‌ڵمانیا له‌فاكته‌ره‌كانی خۆشبه‌ختی.
هه‌روه‌ك له‌كۆنگره‌ی پزیشكانی ده‌رونناسی له‌ئه‌ڵمانیا ئاماژه‌ی پێكرا، 35%ی دانیشتوانی ئه‌و وڵاته‌ مانای پێكه‌نینیان بیرچۆته‌وه‌، ئه‌وه‌ش سه‌ره‌ڕای ئه‌و سوده‌ی مرۆڤ له‌خوله‌كێك پێكه‌نین ده‌ستی ده‌كه‌وێت، له‌ 20 خوله‌ك وه‌رزشی راكردن باشتره‌‌و، زانایان ئامۆژگاری مرۆڤ ده‌كه‌ن له‌پێناو ته‌ندروستیه‌كی باشتردا وه‌كو سه‌رده‌می منداڵی خۆی پێبكه‌نێت

sarchawa //siety nawa